Xəbərlərə abunə ol
» » Din və Dövlət Vilayəti Fəqih

Din və Dövlət Vilayəti Fəqih

tarix : 22-02-2014   /   Mәqalәlәr   /   Baxış sayı: 3 254
Din və Dövlət Vilayəti Fəqih



Ayətullah Xomeyni kimdir və nə etdi?

20-ci əsrdə bütün dünyaya materyalizm, ateizm hakim oldugu və dini qanunların tamamilə unuduldugu, insanlarin dindən uzaqlaşdıqları bir vaxtda dini bir inqilaba,İran İslam İnqilabına rəhbərlik edən şəxsdir. Elə bir inqilab ki, dünyanın bütün materyalist, dini inkar edən yada din ilə mubarizə aparan ideologiyalarına meydan oxuyur. Sekulyarizm, bizim dil ilə desək Avropada yaranmış və dinin dövlətdən ayrı oldugu inancında olan batil bir cərəyan, hansı ki hal hazırda dünya dövlətlərinin 100/90% bu sistem üzərində qurulub. Bu cərəyana görə, dinə yalnız məscid və yaxud kilsələrdə əməl olunmalı və dinin dövlət və ictimaiyətin işlərinə heç bir qarışacağı olmamalıdır. Ayətullah Xomeyni bu nəzəriyəni rədd edərək İslam dininin, dövləti və xalqı idarə etmək üçün kamil qanunlara sahib olduğunu və müsəlman xalqların qərb ideologiyalarına ehtiyaclarının olmadıgını izah edərək deyir: "Allah muqəddəs İslam dinini bəşəriyətə onlar üçün kamil qanunlar ilə göndərərək onlara doğru yolu göstərib." İslamın Şəriət adlanan "konstitusiyasında" insanların nə cür paklanmalarından, yemək ve içməklərindən tutmuş, dövlət idarəsinə kimi bəşər həyat ilə əlaqəli hər bir şeyi əhatə edən Kamil Qanun Sistemi var. Belə olan halda insanların naqis ağılları ilə yaratdıqları ideologiyalara (komunizm,kapitalizm,sekulyarizm,demokratiya, monarxiya s.) nə ehtiyac var? İnsan ağlının tərtib etdiyi konstitusiya qanunları dogrudur yoxsa Allahın tərtib edib göndərdiyi Qurani Kərim qanunları?
Ayətullah Xomeyni vilayəti fəqih nəzəriyyəsinə əsaslanaraq, insanların ixtiyarının Allaha aid oldugunu lakin Allahın da bu ixtiyarı qulları arasından seçilmiş şəxslərə verdiyini deyir. Beləki, Peygəmbərlərin (s.a) insanların üzərində olan vilayət haqqı kimi. Bu vilayət səlahiyəti xalqı peygəmbərlərə mütləq şəkildə tabe edir. Peygəmbərlərdən sonra isə bu vilayət Allahin yer üzündə höccəti sayılan hər cür qüsrden münəzzəh olan şəxslərə verilir. Onlar peygəmbərin (s.a.a) canişinləri olan 12 rəhbərdir. Ərəbcə isə onlara İmam deyilir. Sual yaranır ki hal hazırda 12-ci İmam (a.f) qeybdə oldugu bir vaxtda insanlar kimə itaət etsinlər? Kim onlara rəhbərlik etmə ixtiyarına malikdir?
Bu suala ən gözəl cavabı elə İmam Mehdi (a.f) özü qeybə çəkilməmişdən əvvəl İshaq ibn Yaquba verir. O baş verəcək hadisələrdə insanların din alimlərinə muraciət etmələrini əmr edir və buyurur "Çünki onlar sizin üçün mənim höccətim, mən onlar üçün Allahın höccətiyəm."
İmam Hüseyn əleyhissalam isə alimlər barədə buyurur "Həqiqətən müsəlmanların işləri, səmavi hökmlərin icrası ilahi alimlərin əlindədir. Onlar Allahın halal və haram buyurduğu işlərdə əmanətdarlardır." Gördüyünüz kimi hədislərdə din alimlərinin geniş və əhatəli səlahiyətindən söhbət gedir. İmam Zaman (a.f) isə mütləq şəkildə heç bir iş üçün istisna qoymadan baş verən bütün hadisələrdə din alimlərinə itaəti vacib bilir. Və heç bir hədisdə də filan işi din alimi görə bilməz diyə bir əmr yoxdur. İmam bir başa din alimin müsəlmanlar üzərində höccət qərar verir.
Deməli Məsum İmamın (a.s) qeybdə olduğu dövrdə müsəlmanların vilayəti, Fəqihlərin (din alimlərinin) əlindədir. Onlara tabe olmaq vacibdir. Müsəlmanlar anlamadıqları şəri məsələlərdə müctehid hesab olunan fəqihlərə muraciət edirlər bəli, lakin fəqihlərın nəinki şəri məsələlərdə həmçinin dövlət idarəsi və ictimai məsələlərdə də hökm etmək ixtiyarları var. Və bu həmin Vilayəti Fəqih nəzəriyəsidir ki, Ayetullah Xomeyni etdiyi inqilab ilə İranda ki 2500 illik monarxiya sistemini bu usul idarə ilə dəyişdirdi.
Və tarixdədə ilk dəfə olaraq məhz Ayetullah Xomeyni kimi bir Fəqih, İslam dövlətinə və müsəlman xalqına rəhbərlik etdi. Beləliklədə İmam sifətini qazandı. İmam Xomeyni düşmənləri və tərəfdarlarına görə heç kimin bacarmadığını bacardı və Şiə müsəlmanlarının 12-ci İmamı, Mehdinin(a.s) qeybdə olduğu 1400 il müddətindən sonra, Vilayəti Fəqih prinsipi üzrə Dövlət qurdu. Bu İslam Dövlətidir. Güclənən dövlətdir. İslamçıların əsrlərdir qurmağa çalışdıqları dövlətdir. İmam Xomeyni bu prinsipin yalnız İranda yox bütün müsəlman ölkələrində qurulmasını arzu edərək buyurur;
"Ümid edirik ki Gözlərimizin nurunun(İmam Mehdi) zühuru üçün tezliklə beynəlümum dövləti qurular və biz bu höküməti onun həqiqi sahibinə təhvil verərik."

İmam Mehdinin (a.f) qlobal hökümətinin qurulması üçün isə dünya xalqlarının, məxsusən müsəlmanların onun zühürunu, susuz adamın suyu istədiyi kimi istəməsi, etnik-milli fərqliliklərin unudulması, bütün müsəlman ölkələrinin ən azı şiələrin çoxluq təşkil etdiyi ölkələrin vahid bayraq altında birləşməsi və paytaxtının İraqın Kufə şəhərinin olması şərtdir. Çünki İmamın iqamət edəcəyi Ədalət Hökümətinin paytaxtı elə babası Əmirəlmöminin Əli (ə.s) xilafət dövründə olduğu kimi İraqın, Kufə şəhəridir.

Şərhlər: 0

Şərh ələavə edin

Информация

Посетители, находящиеся в группе Qonaq, не могут оставлять комментарии к данной публикации.