Ana səhifə > Ramazan ayı / Xəbərlər > Sabah cümə Fitr bayramıdır və Şəvval ayının biridir

Sabah cümə Fitr bayramıdır və Şəvval ayının biridir


14-06-2018, 21:31. Əlavə etdi: hasan
Ya-Ali.ws xəbər verir ki, mərcəi təqlid müctehidi Ayətullah Xameneinin rəsmi saytı "leader.ir" saytı bu haqda açıqlama yayıb. Açıqlamada deyilir ki, sabah cümə günü Fitr bayramı və Şəvval ayının 1-ci günüdür.

Fitr bayramı ərəb dilində "Eydul Fitr" kimi tərcümə olunur. Fitr fitrət sözündən, eyd sözü isə qayıdış sözündən götürülüb. Bu bayramın adı fitrətə qayıdış mənasını verir. Müsəlmanlar bir ay oruc tutmaqla, nəfsi istəklərdən çəkinməklə, Qədr gecələrini həqiqətən dərk edərək, əhya saxlayamaqla ayı tamamlayır və Allah oruc tutan şəxsləri fitrətlərinə qayıtmaqla mükafatlandırır.

Bu qayıdış insanın bağışlanması, cəhənnəm odundan uzaqlaşması üçün bir vasitədir. Müqəddəs ay və müqəddəs gün xatirinə Allah bizləri, fitrətinə qayıdanlardan qərar versin! Allah bu aydan bizi bağışlanmış şəkildə çıxarsın. Gələn bayramları zindanda olan mömin məhbuslarla, səngərdə olan əsgərlərlə, qəriblikdə olan əzizlərimizlə, ən əsası da dövrün imamı Həzrəti Qaimlə birlikdə keçirməyi Allah bizə nəsib etsin!

Bir daha bayramınız mübarək!

Ya-Ali.ws Redaksiya Heyəti.....


Bu gecənin və gününün əməllərini saytın izləyicilərinin diqqətinə çatdırırıq

1. Gün batana yaxın Qüsl almaq. (Niyyət: Allaha yaxınlaşmaq üçün Bayram gecəsinin qüslünü alıram.)
2.Gecəni namaz, dua və istiğfarla əhya saxlamaq.
3.İmam Hüseyn (ə) ziyarət etmək.

Gün:
1.Sübh namazından sonra bu zikri demək:
“Allahu əkbər Allahu əkbər, la ilahə illəllahu vəllahu əkbər Allahu əkbər və lilləhil həmdu lilləhi əla ma hədana və ləhuş şukr əla ma əulana.”
2.Bayram namazında öncə fitrə-zəkatını çıxardaraq ehtiyacı olana vermək. (diqqət yetirmək lazımdır ki,fitrə-zəkatı vacibdir)
3.Bayram namazında öncə qüsl almaq (Niyyət: Allaha yaxınlaşmaq üçün Bayram qüslünü alıram), qüsldan öncə isə bu duanı oxumaq: “Allahummə, imanən bikə və təsdiqən bi kitabik,və ittibaə sunnəti nəbiyyikə Muhəmmədin səlləllahu ələyhi və alih.” Daha sonra “Bismillah” deyərək qüsl etsin. Qüsldan sonra isə bu duanı oxusun: “Allahumməcəlhu kəffarətən lizunubi və təhhir dini, Allahummə izhəb ənni əddənəs.”
Gözəl paltarları geyinərək ətirlənmək və bayram namazından öncə xurma ilə iftar etməkdə təkid olunur.

Geriyə qayıdın