Hörmətli oxucular, indi sizlərə Azərbaycanda illər boyu çalişan Studio "HALAL” haqqında danışacağam. Bu hər bir kəsin, hər bir dindarın çoxdan gözlədiyi xəbərdir, elə isə məndən sizə müjdə xəbər var. Bu xəbəri sizə ətraflı çatdırmaq üçün "HALAL” studiyanın rəhbəri ilə Hacı Eldar Aslan ilə görüşdüm. İlk olaraq nəzərinizə çatdırım ki, "HALAL”studiyası Azərbaycanda ilk yaranmış dini studiyadı, o da neçə il bundan əvvəl Hacı Eldarın təşəbbüsü ilə yaranıb və sizə möminlərə, müsəlman xalqına xidmət eləyir. Öz fəallığı ilə seçilən, "HALAL” studiyası bir çox İlahi qruplarının disklərin hazırlamış, eyni zamanda bədii və sənədli filmləri dublyaj edib və sair işlərini müsəlmanların istifadəsinə buraxmışdı.
Xəyal Müəzzin:
- Salam aleykum Hacı Eldar, Siz bu studiyanı neçənci ildə yaratdınız və belə fikr Sizə hardan gəldi? Yoxsa bu kimlərin isə məsləhətilə yarandı?
Eldar Aslan:
- Və aleykuma salam, hörmətli oxucular, əziz müsəlman baci və qardaşlar.
Bismilləhir Rəhmanir Rəhim! Heç kimin məsləhətilə və təşəbbüsüilə bizim studiya yaranmamışdı. Bu hadisənin tarixcasını qısaca olaraq oxucularımızın nəzərinə catdırım. Mən 1999-cu ildə həcc mərasimin ziyarətində idim, Allah qetmiyənlərə nəsib etsin. Orada olarkən bu fikr haqqında düşündüm. Çünki qetməmişdən əvvəl hazırlıq işləri görəndə, kitablarda mənim nəzərimə dəfələrlə belə bir mövqe rast gəlirdi, ki - Hacı gərək ziyarətdən sonra insanların içində möhtərəm işlərlə məşqul olsun, fəqirlərə əl tutsun, dinini təbliğ etsin, Allah evinin hörmətini və beytini qoruyub saxlasın. Mən çox axtarişda oldum həccdən sonra hansı bir işlə məşqul olum, müxtəlif fikrlər məni bürüyürdü, ya qəzet jurnal nəşr etməklə məşqul olum, ya da bir dini dükan acib işlədim və sair. Amma həcc mərasimini sonunda Allahın evində işıqlandırıcı nur kimi mənə bu fikr əyan oldu ki, bu müasir vaxtda əksər işlərin inteqrasiya olmaq zamanın dövründə, insanlar daha çox audio-video sahəsinə başlayıblar meil salmağa. Odur ki, Bakıya qayıdarkən mən dərhal studiyanın yaradmasının üstünə düşdüm. Şükürlər olsun Allahın birliyinə ki, mənə nəsib etdi bu işin nail olmasına.
Xəyal Müəzzin:
- Hacı Eldar Siz hansı İlahi qruplarla işləmisiz ?
Eldar Aslan:
"HALAL” studiyasının demək olar ki, bütün İlahi qruplarla yaradıcılıq birliyi olub. Və oların ilkin disklərini biz buraxmışıq, hətta satışlarını da təşkil etmişik. Ümumiyətlə studiyamızın fəaliyətinə nəzər salsaq Azərbaycanda İlahi mahnıların yaranmasında, oların milli folklorun üstündə qurulmasında böyük zəhmətləri var. Bu mövzu haqqında ayrıca geniş və ətraflı söhbət etmək olar, çünki son on ildə biz ayrılmaz bir qüvvə kimi bu sahənin inkişafında İlahi qruplarla bərabər yol gedirik. Qeyd etmək istəyirəm ki, hələ 2000-ci ildə demək olar ki, kütləvi şəkildə musiqili İlahi mahnıların qrupları ümümiyətlə yox idi. "HALAL” studiyası belə qrupların yaradılmasına və musiqili surudların ərsəyə qəlməsinə özünə əsas mövqelərdən qoymuşdu. O ki qaldı əməkdaşlıq barəsində, aşagdaki qeyd olunan qruplarla biz daim işləmişik: "Əhli-beyt” dərviş məddahlari, "Əhli-beyt” qrupu, "Cəfəri”, "Muminun”, "Saqaleyn, "Kövsər, "Nur”, "Ruqəyyə”, "Halal”,”Zülmətdən Nura”, "Əz-Zəhra” və sair qruplar.
Xəyal Müəzzin:
-Bildiyimiz kimi Sami Yusufu Azərbaycana ilk olaraq Siz gətirmisiz. Bu işdə niyyətiniz nə oldu? Yəni məqsədiniz nə idi ?
Eldar Aslan:
Düz buyurursuz Xəyal qardaş. Sadəcə Saminin İlahiləri hamıya xoş qəldiyi kimi, mənim də xoşuma qəlirdi. Onun mahnıları birdən sıçrayış etdi İslam aləmində. Oxucularımızın nəzərinə söyləyək ki, studiyamız eyni zamanda cəmiyyətdir, Biz səs yazmaqdan və başqa yaradıcılıq işlərindən əlavə içtimayi təşkilatıq. Kütləvi yığıncaqlar, konfranslar, konsertlər, dini tədbirlər, təqdimatlar və bu kimi işlərdə böyük təcrübəyə malik olan bir şirkətik. Ona görədə, növbəti tədbir hazırlamaq nöqtəyi nəzərindən cəhd edib Sami Yusufu Bakıya dəvət etdik və Əlhəmdulillah mügəninin razılığını alaraq möhtəşəm bir dini konsert təşkil edə bildik. Oxucularımızın nəzərinə çatdırmaq istəyirik ki, Azərbaycanda dövlət əhəmiyyətli belə dini aksiya ətrafinda 12 000 insanları toplayaraq ilk dəfə baş vermişdi. Studiyamızın məqsədi milli mənəvi dəyərlərimizi yüksəldməkdi, İslam elmini və tarixini olduğu kimi insanlara catdırmaqdı, Allahin təkliyini, Onun varlıgını və müqəddəs kəlamlarını təbliğ etməkdi. Hər bir müsəlmanın borcu onu etməkdi, biz də ona nail olmaq istəyirik.
Xəyal Müəzzin:
-Haciı Eldar hansı filmləri tərcümə eləmək arzunuz olub və hansı filmləri tərcümə eləmisiz?
Eldar Aslan:
-Bəli, mənim böyük arzum İmam Əli(ə)-ın çox serialı bədii filmin dublyaj etməkdə idi. Səhf etmirəmsə bu film 2001-də ya da ondan sora olan illərdə çıxmışdı. O zaman filmin sponsorları seçim aparırdılar hansı studiyada dublyaj etsinlər. Bizim studiya çox səy etdi, amma dublyaji verdilər dövlət kanallarin birinə.
O ki qaldi hansı filmləri dublyaj etmişik bunlar aşağıda qeyd olanlardı:
Bədii filmlər; İmam Həsən(ə) – Tənha qalmış sərkərdə, İmam Hüseyn(ə) – Vaqiə Günü, Xanım Zeynəb – Kərbəlada çaxan bir şimşək, Soyuq göz yaşları, Şeyda, Asiman uşaqları, Hiyva, Rey Müsafiri, və sair. Cizqi filmləri; Nuhun Tufanı, Saleh Peygəmbər, Habil və Qabil, Misir Şəhzadəsi.
Xəyal Müəzzin:
-Hacı Eldar Sizin audio hədisləri dəfələrcə dinləyirik, cox gözəl hədislərdi. Buları mp3 hazırlamak öz fikriniz olub və hansı kitablardan istifadə elədiz ?
Eldar Aslan:
-Mən bu suala təbəssüm ilə cavab verərəm, çünki dediyiniz mp3 hazırlanmış toplamlar bizim studiya tərəfindən buraxılmamişdı. Mənim üçün bu yeni xəbərdi. Amma studiyamız tərəfindən holoqramlı silsiləvi şəkildə "Seçilmiş Hədislər” adlı səkkiz CD albom buraxılıb və işıq üzü görüb. Bu hədislər silsiləsi faydalanır bizim ən mötəbər mənbələrimizdən. Məsələn, "Zübdətül-Əhadis” kitabı, hədislər ziynəti deyərlər bu kitaba, ya da "Hədisi Qüdsi” kitabı və başqaları. Mənə xəbərlər gəlir çatır ki, reytinq baxımından bu silsilə böyük məhəbbətlə qarşılaşır alıcılar tərəfindən. Bu sevindirici haldı.
Xəyal Müəzzin:
- Hacı Eldar Sizin bu oxuyan məddahlara sözünüz və ata kimi bir nəsiyyətiniz varmı, ne demək istiyərdiz olara?
Eldar Aslan:
Təşəkkür edirəm belə qiymətləndirdiyinizə görə. Mənim borcum öz işimdə məsuliyyət daşıyıb müsəlman aləminin qabağında xidmətlərimizi göstərməkdi. Onu qeyd edə bilərəm ki, hər bir sahənin mütəxəssisləri olduğu kimi, bu maddah və müğənni sahədə də kifayət qədər mütəxəssislər var. Yaxşı olar ki, bizim məddahlar olardan ibrət alsınlar, bu ümummi işin inkişafına dəyərli dayaqdı. Savadlı oxunuşları ilə xalqı sevindirsinlər dinimizi təbliğ etsinlər. Bəzi dindarlarımız məhəbbətdən irəli qələn zövq ilə maddahlığa müğənniliyə səy göstərirlər, amma eyni zamanda oların muğamdan, müsiqidən heç xəbərləri yoxdu. Nə təhsilləri, nə də təcrübələri var. Bu hal çox acınacaqlıdır. Çünki nəticədə ortama zəif bir iş çıxır ya da belə insanlar yarı yoldan qayıdırlar. Sonrasını özünüzdə bilirsiz, belə hallar tənqid atəşinə adətən tutulur, yəni məqalələr çıxır, internetdə statlar söylənilir, müsəlmanların arasında narazıçılıq yaranır. Ən əsası da odur ki, belə hallarin ağrısı düşür sonra bizim əsil məddahlarımızın çiyninə, bu suallarin cavabını olar cavablandırırlar, əziyəti olar çəkir içtimayətin arasında. Buna yol vermək olmaz. Qarşısını əvvəldən almaq lazımdı.
Xəyal Müəzzin:
-Hacı Eldar Sizin studiyanın yeni diskləri məhsulları İnşallah satışda olacaqmı ?
Eldar Aslan:
-Bəli, şübhəsiz ki, İnşallah studiyamız öz fəaliyətini davam edir və xalqımızı yeni lahiyyələrlə sevindirəcək. Bizim məhsullarımız sayı artır. Artıq 100-dən yuxarı çeşidlərimiz var. Bu milli istehsaldı, hər bir diskin hazırlanmasında 1ya da 3 aya qədər vaxt tələb olunur. Senari tərtib edilir, aktyorlar səsləndirir, musiqi tərtibatı verilir, montaj olunur, foto dizayın, istehsal və sair işlər görülür. Yaxın zamanda "Seçilmiş Hədislər” silsiləsinin növbəti diski hazırlanacaq. Yeni məhsullarımızdan satışa çixanların bəzilərini Sizin nəzərinizə catdırırıq, bunlar "Könlum Deməz” şeir aləmindən, "İmam Nəqi”, "İmam Baqir”, "Ölumdən sonrakı həyat”. Bizim studiyamız həmişə Sizin xidmətindədir, xalqımıza Studio "Halal” tərəfindən istehsal edilmiş məhsulları təqdim etmək studiyamızın əməkdaşlarına böyük şərəftdi.
Fürsətdən istifadə edərək Sizə və oxucularımıza dərin təşəkkürümü bildirirəm.
Allah razı olsun!
Əlhəmdulilləhi Rəbbil aləmin, vəs səlamu vəs səlatu əla Muhəmmədin və alihit tahirin.
Vəssalamu aleykum və rəhmətullahi və bərəkatuh!
 |
