Xəbərlərə abunə ol
» » Ayətullah Müctehidi Tehrani: “Əgər dünya və axirət istəyirsən, əgər ruzi, sərvət istəyirsənsə…”

Ayətullah Müctehidi Tehrani: “Əgər dünya və axirət istəyirsən, əgər ruzi, sərvət istəyirsənsə…”

tarix : 30-03-2020   /   Namaz / Mәqalәlәr / Allahla rabitə   /   Baxış sayı: 1 105
Mərhum Ayətullah Müctehidi Tehrani buyurmuşdur: “Mən çox alim, arif görmüşəm, İmam Xomeynidən tutmuş Ayətullah Bürucerdi, Ayətullah Şahabadi, Ayətullah Hairiyə qədər.

Əgər onların nəsihətlərinin hamısını xülasələşdirib bir cümlədə vermək istəsəm belə deyərdim. Ey insan, əgər dünya və axirət istəyirsən, əgər ruzi, sərvət istəyirsən, bir sözlə, hər şey istəyirsənsə namazı öz vaxtında qıl. Namazı təxirə salma.

Bəzi insanların qarınları Allahları olub. Bəziləri namaz vaxtı evdə oturub nahar edirlər və namazı xatırlamırlar. O kəslər ki, namazını əvvəl vaxtı qılmır, namazı onları bəd dua edir və deyir ki, necə məni zay etdin, elə də Allah səni zay etsin. Elə bu səbəbdəndir ki, həmin şəxslər həmişə giriftarçılıq içərisində olarlar.

Həmişə də soruşarlar ki, ağa mən nə edirəm alınmır. Çünki namazı əvvəl vaxtı qılmırsan. Alimdən soruşdular ki, niyə nə iş görürük səmərə vermir? Cavabında buyurdu ki, çünki namazı əvvəl vaxtı qılmırsınız və namazınız da sizi bəd dua edir.

Ustadımız mərhum Bürhan 65 il əvvəl minbərdə belə bir söz dedi ki, hələ də xatirimdədir. “O şəxs ki, Məğrib namazını o qədər gec qıla ki, göy üzərini ulduzlar örtə, məlundur”.

Məhz buna görə Ayətullah Mərəşi Nəcəfi Şam azanı verilən kimi namaza tez başlayardı ki, göy üzünü ulduzlar örtməsin. Sübh namazı da eyni cürdür. Hər kim Sübh namazını o qədər gec qıla ki, ulduzlar yoxa çıxsın, məlundur.

Bəli, iki nəfər məlundur; Şam namazını o qədər gec qılan kəs ki, ulduzlar göyü örtmüş olsun və sübh namazını o qədər gec qılan ki, ulduzlar artıq görsənməsin. Hər ikisi məlundur. Yəni Allahın rəhmətindən uzaqdırlar”.

Ayətullah Behcətin (r) ustadı Əllamə Qazi də tələbələrinə namazı vaxtında qılmağı tövsiyə edərmiş. Ayətullah Behcəti ağa buyurub: “Əllamə Qazi deyəndə namazı vaxtında qılın hər şeyi əldə edərsiniz, daha yaxşı qılın, demədi. Yəni keyfiyyətini şərt etmədi. Yalnız dedi vaxtında qılın düzələcək.”

Şərhlər: 0

Şərh ələavə edin

Информация

Посетители, находящиеся в группе Qonaq, не могут оставлять комментарии к данной публикации.