Ana səhifə > Mәqalәlәr > Hər nəyim varsa, o Ağaya görə var

Hər nəyim varsa, o Ağaya görə var


15-02-2014, 18:25. Əlavə etdi: j3UtsbYPi^R3
Hər nəyim varsa, o Ağaya görə var


Hacı Seyyid Əbdülmüttəlib nəql etmişdir ki, “Mən Nəcəfi-Əşrəfdə təhsil aldığım zaman eşitmişdim ki, qoca bir pinəçi hər cümə qürub çağı Nəcəfdən Kərbəlaya teyyül-ərz edir, İmam Hüseynin pak hərəmində ibadətlə məşğul olur və şənbə gününün səhəri yenidən teyyül-ərz vasitəsilə Nəcəfə qayıdır. Bu məsələnin doğruluğunu dəqiqləşdirmək qərarına gəldim. Pinəçinin özündən nə qədər soruşsam da, heç bir şey əldə edə bilmədim. Dostlarımdan birini Kərbəlaya göndərdim ki, hərəmin ayaqqabılar verilən yerində dayansın və məndən məktub gözləsin. Özüm isə cümə axşamı günü qürub çağı həmin pinəçinin yanına getdim. Ona bir məktub verib dedim ki, “mənim təcili işim var, xahiş edirəm Kərbəlaya getdikdə bunu hərəmdə olan filankəsə çatdırın”. Kişi razılaşdı və məktubu məndən aldı. Sağollaşdıqdan sonra dükanının qapısını bağlayıb getdi. Kərbəlaya yollanmış həmin dostumuz cümə axşamı gününün qürub çağı mənim məktubumu almışdı. Beləliklə, bizə aydın oldu ki, pinəçi Kərbəlaya teyyül-ərzlə gedir. Bir gün həmin pinəçinin yanına getdim və teyyül-ərz barədə söhbət saldım. Kişi yenə də özünü bilməməzliyə qoydu. Axır tutduğumuz işi ona danışdım. Bir qədər narahat oldu. Ona dedim: “Bu məqamı mənə də öyrədə bilərsiniz?” O Əmirəl-mömininin (ə) qəbrinə işarə edərək dedi: “O ağa mənim cəddimdir, ya sənin?” Dedim: “Mənim”. Dedi: “Mənim nəyim varsa, o böyük şəxsiyyətin hesabına varımdır. Bəs məndən nə istəyirsən?”
Geriyə qayıdın