Ana səhifə > Mәqalәlәr > Bu gün Həzrəti Məsumə Xanımın mövlud günüdür

Bu gün Həzrəti Məsumə Xanımın mövlud günüdür


7-09-2013, 18:21. Əlavə etdi: qarakoynekliler
Bu gün Həzrəti Məsumə Xanımın mövlud günüdür


Bu gün İmamətin, vilayətin kövsəri yeddinci İmamımız İmam Museyi Kazim(ə)-ın qızı Fatimətul-kübra Məsumə xanımın mövlud günüdür.Bu münasibətlə bütün möminləri və başda Ağa Bəqiyyətullah İmam Zaman(ə.f) olmaqla sizləri təbrik edirik!



Tarixdə Həzrət Məsumənin (s.ə) doğum tarixi barədə bir neçə nəzər var. Bəziləri onun 173-cü ildə və bəziləri də 183-cü ildə dünyaya gəldiyini iddia edir. Ancaq tarixçilər vəfat tarixinin 201-ci ildə olduğunu bildirirlər. Həzrətin (s.ə) anası Nəcmə xanımdır. Bu fəzilətli xanım həm də İmam Rzanın (ə) anasıdır. Atası isə İmam Musa Kazımdır (ə).
İmam Kazımın (ə) övladları çox olmuşdur. Ancaq İmam Rzadan (ə) sonra məqamı ən uca olan Həzrət Məsumədir (s.ə).
Onun İmamlar yanındakı məqamı da böyükdür. Belə ki, o, hələ dünyaya gəlməmişdən qabaq təvəllüdü və şəhadəti haqqında məlumat vermişdilər.
İmam Sadiqin (ə) səhabələrindən biri əlamətdar bir əhvalatı nəql etmişdir. O, deyir: “Altıncı İmamın (ə) yanına gəlmişdim. Gördüm ki, beşikdə olan körpə ilə söhbət edir. Çox təəcübləndim. Soruşdum ki, siz beşikdə olan körpə ilə danışırsınız? Buyurdu: “Bəli. Əgər sən də istəyirsənsə, gəl və bu körpə ilə danış”. Mən yaxınlaşdım və körpəyə salam verdim. Mənim salamımın cavabını verdi. İmam (ə) buyurdu: “Qızın üçün seçdiyin filan adı dəyişdir, çünki Allahın o addan xoşu gəlmir”. Bu söz məni lap təəcübləndirdi. Bu zaman buyurdu: “Təəcüb etmə. Bu uşaq – oğlum Musadır. Allah ondan mənə Fatimə adlı bir qız inayət edəcəkdir. O, Qum diyarında dəfn olunacaqdır. Hər kim onu ziyarət edərsə, behişt ona vacib olar”.


Həzrət Məsumə xanımın (s) kəramətləri

1-Naxçıvanlı tələbənin şəfa tapması
Ayətullah üzma Məkarim Şirazi buyurur: Sovetlər ittifaqı dağılandan sonra Naxçıvan muxtar respublikasından Qum elmiyyə hövzəsinə 50-nəfər qəbul oldu. Onların arasından gözündə problem olan bir tələbə var idi. Qəbul olmuş tələbərin yola salma mərasimində operator video kameranı gözündə eyb olan tələbəyə tərəf yönəldib, onun eybini açıq-aşkar göstərmişdi. Bu hadisə tələbəni çox narahat etdi. O, Qum şəhərinə gəldikdən sonra Məsumə xanımın (s) hərəminə gedib, tam ixlasla Xanıma təvəssül edir.Təvəssül əsnasında onu yuxu aparır. Yuxudan ayıldıqdan sonra gözü şəfa tapır.
2. Əlim sağaldı
Mərhum Ayətullah Əraki buyurub: Əlim şişirdi və çartlayırdı. Heç bir müalicə təsir etmirdi. Ona görə də, həmişə təyəmmüm edirdim. Çünki dəstəmaz ala bilmirdim. Bir gün Həzrət Məsuməyə (s) təvəssül etdim. Əlim sağaldı...

Geriyə qayıdın