Ana səhifə > Mәqalәlәr > İmam Huseyn(ə) türbətinin bərəkəti
İmam Huseyn(ə) türbətinin bərəkəti23-04-2019, 18:00. Əlavə etdi: j3UtsbYPi^R3 |
|
Haris İbn Müğeyrə İmam Sadiqə (ə) dedi: “Mənim bir çox xəstəliklərim var, bütün dava-dərmanlardan istifadə etmişəm, lakin faydası yoxdur”. İmam Sadiq (ə) buyurdu: ” Hüseynin (ə) qəbrinin türbətindən istifadə etməyə nə deyirsən? Çünki o, bütün xəstəliklərin şəfası, bütün qorxulardan əmin-amanlıqdır. Onu (türbəti) götürən zaman de: “İlahi, Səni and verirəm bu türbətin və onu daşıyan mələyin haqqına, onu təhvil alan Peyğəmbərin haqqına, onda dəfn edilən vəsinin haqqına, Muhəmməd və onun Əhli-beytinə salavat göndər və onu bütün xəstəliklərin şəfası, bütün qorxulardan əminlik vasitəsi qərar ver!” İmam (ə) sonra buyurdu: “Türbəri daşıyan mələyə gəlincə, bu, Cəbraildir (ə). Cəbrail (ə) onu Peyğəmbərə (s) göstərərək demişdi: Bu sənin balanın türbətidir, səndən sonra ümmətin onu qətlə yetirəcək”. Onu (türbəti) təhvil alan peyğəmbər də Muhəmməd peyğəmbərdir (s). Orada dəfn edilən vəsi isə şəhidlər ağası Hüseyn ibn Əlidir (ə)”. Dedim: Bütün xəstəliklərdən şəfa olduğunu anladım. Bəs bütün qorxulardan necə amanda olur?” İmam (ə) buyurdu: Hökmdardan və ya başqa bir kəsdən qorxun olduğu zaman İmam Hüseynin (ə) türbətini özünlə götürmədən evdən çıxma. Onu götürərkən belə de: “İlahi, bu sənin vəlinin oğlu Hüseynin (ə) qəbrinin türbətidir. Onu qorxduğum və qorxmadığım şeylər üçün (müdafiə olaraq) götürmüşəm”. Belə etsən həqiqətən də, səni qorxutmayacaq şeylərlə üzləşərsən”. Ravi deyir: “Türbəti İmamın (ə) dediyi qaydada götürdüm. Uca Allah mənim xəstəliyimi sağaltdı və buyurduğu kimi, bu türbət məni bütün qorxduğum və qorxmadığım şeylərdən amanda saxladı. Allaha həmd olsun ki, ondan sonra heç bir pislik və xəstəlik görmədim”. İbn Qavlaveyh Qumi, Kalimuz ziyarat kirabı, səh 509, Hədis nömrə 10 (722) Geriyə qayıdın |