Xəbərlərə abunə ol
» » » Ailə səadətinə necə nail olmalı? (I yazı)

Ailə səadətinə necə nail olmalı? (I yazı)

tarix : 01-02-2014   /   Mәqalәlәr / İslam’da Ailə   /   Baxış sayı: 1 486
Ailə səadətinə necə nail olmalı? (I yazı)


Ailə həyatı qurmazdan öncə diqqət olunası məqamlar

Bağışlayan və mehriban Allahın adı ilə.
Cəmiyyətdə olan bəzi ailə sıxıntılarına diqqət edib bununla bağlı yazı yazmaq qərarına gəldim. Hədəf əldən gəldiyincə Quran, hədis və şəxsi təcrübəyə əsaslanaraq bu problemlərin həllinə yardımçı olmaqdır.
Yazıda əsasən 3 mövzu ətrafında söhbət açılacaq;
1.Ailə həyatı qurmazdan öncə diqqət olunası məqamlar.
2.Ailə həyatı quran zaman diqqət olunası nüanslar.
3.Ailə həyatı qurduqdan sonra diqqət olunası məsələlər.
Allah bu və hər bir əməlimizi ixlasla görülən və zəmanəmizin Sahibinin bəyəndiyi əməllər siyasına daxil etsin.

Ailə həyatı qurmazdan öncə diqqət olunası məqamlar
İnsan hər şeydən öncə nəfsinin daima ağılı ilə mübarizədə olduğunu bilməli və qəbul etməlidir. Nəfs düşmənin içimizdə olan cəsusudur. Bizim bəxtimiz 14 məsum ustadımızın olmasında gətirib. Onlar hər şeydən öncə insanı bu şeytan cəsusunun varlığından xəbərdar edib, onun həqiqi üzünü ifşa etməklə toruna düşmək ehtimalını aradan qaldırmışdır.
İnsanda adından da bilindiyi kimi unutqanlıq sifəti mövcuddur. Bu sifət insanın “Zərr” aləmində Allaha verdiyi bəndəlik sözünü (Əraf 172: “Xatırla ki, bir zaman Rəbbin Adəm oğullarının bellərindən (gələcək) nəsillərini çıxardıb onların özlərinə (bir-birinə) şahid tutaraq: “Mən sizin Rəbbiniz deyiləmmi?” – soruşmuş, onlar da: “Bəli, Rəbbimizsən!” – deyə cavab vermişdilər”), eyni zamanda hər günahdan sonra etdiyi tövbəsini, həmçinin Şeytan və nəfsin düşmənçiliyini unutmağa səbəb olur (Yasin 60: “Ey Adəm övladı! Məgər Mən sizdən əhd almadımmı ki, Şeytana ibadət etməyin, o sizin açıq-aşkar düşməninizdir”).

Evlənmək istəyən gənc də bu nüansa boş yanaşmamalı və bu məsələ üzərində hesab açmalıdır. O, bilməlidir ki, hər bir işdə olduğu kimi bu müqəddəs işdə də əzəli və əbədi düşmən olan Şeytan və nəfs onu axsadaraq müstəqim yoldan sapdırmaq üçün əlindən gələni edəcəkdir. O Quranın Furqan surəsinin 43-üncü ayəsinə şamil olmamaq üçün çalışmalıdır ("Nəfsini özünə tanrı edəni gördünmü?").

Bu gənc (qadın ya kişi) evlənmək istədiyi şəxsi nəfsilə deyil, ağlı ilə seçməlidir. Evliliyin faydaları ilə bağlı olan hədislər məhz ağlın vasitəsilə və məqsədyönlü şəkildə baş tutan evliliklərə şamil olur (Peyğəmbər (s): “Mömin evlənməklə dinin yarsını əldə etmiş olur” Mizanul-Hikmət, seçilmiş hədislər 2776).

Evənmək üçün uyğun şəxs axtaran gənc bu işi 2 yolla həll edə bilər;
1.Nəfs yolu ilə.
Bu yolla yanaşarsa, zahiri gözəlliyə baxaraq məsələni həll etməyə çalışacaq. Bu yanaşma tərzində zahirə fikir verildiyi üçün məsələ rahatlıqla həll edilsə də, bir neçə problemlə üzləşəcəyi istisna deyil;
a) Əsas meyar zahir (cismani gözəlliklə yanaşı həmçinin tərəf müqabilinin və ya onun yaxınlarının maddi imkanları, nüfuzu da buna aiddir ) olduğundan onun aradan getməsilə sevgi, eşq və ya ehtiras da aradan gedəcəkdir. b) Zahiri görünüşü əsas hesab edərək bunu hədəf sayan şəxs, hədəfə çatdıqdan sonra soyuyacaq. Beləliklə zaman keçdikçə eyni şəxsdən bezəcəkdir. Yeməkdə hədəfi doymaq deyil, ləzzət almaq olan şəxs kimi. c)Bu yolda adətən nəfs ağlın düşünmə qabiliyyətini əlindən alır və insan qarşındakı şəxsin mənfi xüsusiyyətlərini görməzlikdən gəlir. Bu da gələcək üçün olduqca böyük problemlidir. Nəfs ilə hərəkəti mənfi hal kimi dəyərləndirdikdə məqsədimiz ümumiyyətlə zahirə fikir verməmək deyil. Məqsəd sadəcə və sadəcə zahiri görünüşə önəm verməkdir. Əlbəttə ki, müxtəlif hədislərdə ailə həyatı qurulacaq şəxsin zahirinə də önəm vermək tövsiyyə olunur.
Lakin evlilikdə əsas meyar bu olmamalıdır. Evlilikdə sadaladığımız problemlərlə üzləşən əksər ailələr, ağılla deyil, nəfs vasitəsilə evlənən şəxslərdən ibarətdir.

2. Ağıl və məntiq yolu ilə.
Gələcək həyat yoldaşını ağıl və məntiqlə seçməklə uğurlu gələcək əldə etmək mümkündür. Bu halda gəncin həm zahirinə, həm də əxlaqi xüsusiyyətlərinə diqqət etmə haqqı var.
Lakin birinci yolda şəhvət onun gözünə pərdə salaraq olduqca mühüm olan əxlaqi dəyərləri önəmsəməməsinə səbəb olacaqdır. Ağılla seçdikdə isə, məsələyə hərtərəfli baxaraq onu yalnız şəhvətini aradan aparacağı zamanlarda bir olacağı qadın kimi deyil, bir ömür birlikdə yaşayacağı və heç vaxt ayrılmayacağı şəxs kimi təsəvvür etməlidir.
Gənc, ehtirasını aradan aparmaq üçün deyil, problemlərlə dolu olan və evliliklə daha da ağırlaşacağı bir həyata sadiq və ləyaqətli yoldaş axtarışında olmalıdır.
Ağılla ailə həyatı qurmaq istəyən şəxs ilk öncə bu sualları özünə verməlidir;
a)Evlilikdə hədəfim nədir?
b)Mən buna maddi və əxlaqi cəhətdən hazırammı?
Toy və evlənməyə namizəd olan şəxsin məsələsinin həll olunması ilə hər şey bitirmi?
c)Qaraşımdakı insanda hansı xüsusiyyətlər olmalı, hansılar olmamalıdır?
d)Sevdiyim şəxsdə lazımı xüsusiyyətlər olmazsa, olmaması gərəkən xüsusiyyətlər olarsa, onunla bağlı hansı qərarı verməliyəm?

İnşalllah gələn yazımızda bu sualların cavablarını müzakirə edəcəyik.
Vəssələmu ələykum və ələ ibədilləhis salihin.

Ruhullah Novruzzadə


islamazeri.az

Şərhlər: 0

Şərh ələavə edin

Информация

Посетители, находящиеся в группе Qonaq, не могут оставлять комментарии к данной публикации.