3w.Ya-Ali.ws » Mәqalәlәr » İmam Rza (ə) » Bu gün İmam Rza(ə)-ın mövlud günüdür

Bu gün İmam Rza(ə)-ın mövlud günüdür

tarix : 17-09-2013 / Mәqalәlәr / İmam Rza (ə) / Baxış sayı: 3 581

Bu gün İmamətin, vilayət nurunun 8-ci günəşi İmam Rza(ə) mövlud günüdür.Bu münasibətlə bütün möminləri və başda Ağa Bəqiyyətullah İmam Zaman(ə.f) olmaqla sizləri təbrik edirik!

İmam Əli ibn Musa hicrətin yüz qırx səkkizinci ili zilqədə ayının on birində anadan olmuşdur.(Elamül-vəra bi-elamil huda, səh.313) Atası imam Kazim (ə), anası isə Tuktəm adlı fəzilətli bir qadın olmuş İmam Riza (əleyhissəlam) anadan olduqdan sonra İmam Kazim (əleyhissəlam) o xanıma Tahirə adı vermişdir.(Elamül-vəra bi-elamil huda, səh.313) İmam Əli ibn Musa əleyhissəlamın künyəsi Əbülhəsən ləqəbi Riza olmuşdur. İmam Riza (əleyhissəlam) atası İmam Kazim (əleyhissəlam) (hicrətin yüz səksən üçüncü ilində) Bağdad zindanında şəhid olduqdan sonra otuz beş yaşında İmamətə çatmışdır.

Əs ey səba, o imami-vilayət hörmətinə,
Apar bu təbrikimi şiələr vilayətinə.

Bu gün zəmanədə bir özgə cür səadət var,
Şükür Xudayə ki, yetdik bu gün səadətinə.

Bu gün bu aləmə bir canfəda qədəm qoymuş,
Odur ki, aləm özü cəm olub viladətinə.

Bu Fatimə nəvəsindən, Əli balasından,
Nə söyləyim yaraşa şəninə, şərafətinə.

İmami-kövni-məkan olduğun yəqin eləyib,
Səmimi-qəlb ilə dil vermişik imamətinə.

Vəzifəsi gecə-gündüz rüku və səcdə olan,
Həmişə qibtə edibdir onun ibadətinə.

Sən ey şəhidi-Xorasan, ya imam Rza,
Özün inayət elə, biz gələk ziyarətinə.

Ömür qısa, yaşayış küfr ilə, əməl naqis,
Ümid bağlamışıq, həşridə şəfaətinə.

Bu gün viladətinə şe'r yazmısan Mahir,
Çalış ki, həsr edəsən nohələr şəhadətinə.

Müəllif: Hacı Ələmdar Mahir