Xəbərlərə abunə ol
» » Bu gün həzrət Zeynəbi-Kübranın (s.ə) mövlud günüdür+ AUDİO

Bu gün həzrət Zeynəbi-Kübranın (s.ə) mövlud günüdür+ AUDİO

tarix : 02-02-2017   /   Mәqalәlәr / Həzrət Zeynəb (ə)   /   Baxış sayı: 456
Bu gün həzrət Zeynəbi-Kübranın (s.ə) mövlud günüdür


Hicri-qəməri tarixi ilə cəmadiul-əvvəl ayının 5-i, həzrəti Zeynəbin (s.ə.) doğum günüdür.
Xanım Zeynəb (s.ə.) hicrətin 6-cı ilində dünyaya gəlib və o ilk beş ilində Peyğəmbərlə (s) eyni zamanda yaşayıb.

Tarixi faktlara əsasən, həzrəti Zeynəb (s.ə.) dünyaya gələrkən babası Məhəmməd (s) peyğəmbər döyüşdə imiş və məhz buna görə həzrəti Əli (s.ə.) onun adını qoymur və Peyğəmbəri (s) gözləyir. Peyğəmbər (s) döyüşdən qayıtdıqdan sonra Zeynəbi öpüb qucaqlayır, onu atasına bənzədir və onu “Zeynəb”, yəni "atasının bəzəyi və zinəti" adlandırır.

Həzrəti Zeynəb (s.ə) qardaşı imam Hüseynlə (ə) birlikdə Aşura faciəsində çiyin-çiyinə zalım Yezidə qarşı mübarizə aparıb. İmam Hüseynin (ə) şəhid edilməsindən sonra Şama əsir aparılan xanım Zeynəb (s.ə) qardaşının qiyamının mahiyyətini, hədəfini və fəlsəfəsini lazımınca müsəlmanlara çatdırıb. Məhz buna görədir ki, həzrəti Zeynəb (s.ə) imam Hüseyn (ə) inqilabının və Kərbəla hərəkatının tamamlayıcısı kimi yad edilir.

Xanım Zeynəbin (s.ə) məqbərəsi Dəməşqdə yerləşir. Suriyada təkfirçi və radikal qruplaşmaların təcüvüzü nəticəsində bu müqəddəs məkan dəfələrlə dağıntılara məruz qalıb. Görünür, elə 14 əsr əvvəl Kərbəla faciəsində Yezid və əlaltıları vasitəsilə Əhli-beytə qarşı aparılan vəhşi siyasət indi də Yezidin varislərinin əli ilə həyata keçirilir.

Hazırda isə Dəməşqin cənubunda yerləşən Seyyidə-Zeynəb rayonu və ətrafında təhlükəsizlik hökm sürür. Ümumiyyətlə Suriya Ordusu və müttəfiqləri son yarım ildə Dəməşqətrafı əyalətdə radikal təkfirçi qruplaşmalarına lazımi təzyiqlər göstəriblər və əyalətin 16 rayonundakı qruplaşmalar atəşkəs anlaşmasına boyun qoymağa və bölgəni tərk etməyə razılıq veriblər. Hazırda Dəməşqin ətrafında yalnız Duma və Ərbin raonları terrorçuların yuvası kimi qalmaqdadır.



Xanım Zeynəb (s.ə) həyatı



Saytda olan məlumatlardan istifadə zamanı "Ya-Əli" saytına istinad zəruridi! Əkis halda halallıq verilmir.

Şərhlər: 0

Şərh ələavə edin

Информация

Посетители, находящиеся в группе Qonaq, не могут оставлять комментарии к данной публикации.