Xəbərlərə abunə ol
» » Bu gün İmam Əli (ə)-ın mövlüdu günüdür | Audio |

Bu gün İmam Əli (ə)-ın mövlüdu günüdür | Audio |

tarix : 21-04-2016   /   Mәqalәlәr / İmam Əli (ə)   /   Baxış sayı: 1 571
İmam Əli (ə)-ın mövlüdu günüdür



Hicrətdən 23 il öncə, Rəcəb ayının 13-də, Məkkə şəhərində, Kəbə evində Əmirəlmöminin Həzrət Əli (ə) dünyaya gəlmişdir.
Fatimə binti Əsəd üç gün Ilahi qonaq olduqdan sonra öz möhtərəm və sevimli oğlunu qucağına alıb Kəbədən xaric oldu. Qeybdən belə bir nida gəldi: ``Ey Fatimə, bu uşağın adını Əli qoy. Mən Əliyyi-Əla olan Allaham. Mən onun adını Öz adımdan seçmişəm, ona ədəb öyrətmişəm və Öz əmrimi ona tapşırmışam.

Onu öz elmimdən agah etmişəm. O, Mənim Evimdə dünyaya gəlib. O, Mənim Evimin üstündə azan deyəcək ilk şəxsdir. O, bütləri sındıracaq, Kəbənin üstündən yerə atacaq. Xoş o adamın halına ki, Onu sevib itaət və kömək edə. Ona düşmən kəsilib, ondan boyun qaçırıb xar edərək haqqını inkar edən kəsin halına vay olsun`` (``Biharül-ənvar``, c.35, səh 9-37).
Həzrət Rəsulullahdan (s) nəql edirlər: "Gördüm ki, behiştin qapısına yazılmışdır: “Allahdan başqa məbud yoxdur, Mühəmməd(s) Onun elçisidir, Əli (ə) - onun (Peyğəmbərin) qardaşıdır”.


Digər mübarək hədisdə Həzrət Rəsuli - Əkrəmdən (s) nəql edirlər: "Ey Əli can! İmanın sənin ətin və qanınla qarışması, mənim ətimə və qanıma qarışması qədərdir".
Mövlamız, intizarında olduğumuz, bəşərə nicat verəcək mübarək İmamımız Həzrət Mehdi Sahib-əz-zəmanın (ə.f) etdiyi dualardan birində deyilir: "İlahi!...Əmirəlmö’mininə, Peyğəmbərin (s) varisinə, dəstəmazdan nurlananların rəhbərinə, vəsilərin sərvərinə salam göndər !".

Rəsul-Əkrəmin (s): "Əli ibni Əbi Talib (ə) İslamı qəbul etməkdə ümmətin ən öncülüdür, onların ən elmlisidir, onların içində ən imanlısıdır…və o, məndən sonra İmam və xəlifədir" vəsiyyətinə sadiq olan və gündəlik həyatlarında bu Peyğəmbər (s) göndərişini rəhbər tutanlar!" sizləri Ya-Ali.ws saytının redaksiyası adından əziz Peyğəmbərimizdən (s) sonra bəşəriyyətin ən əşrəfi, Allah evində dünyaya gələn və Allah evindəcə də İlahiyə qovuşan, "Elm şəhərinin qapısı", Zülfüqar sahibi, kamillik təcəssümü - Əmirəlmö’minin Həzrət Əlinin (ə) mübarək mövludu münasibətilə təbrik edirik!

Həzrət Əli (ə) belə münacat edirmiş: "İlahi! Mən aqibətimin, sonumun qorxusundan deyil və ya mükafatına qarşı rəğbətdən deyil, həqiqətdə mən yalnız Səni ibadət üçün layiq tapdığım üçün Sənə ibadət etdim".
Bəs elə isə bu böyük və məsuliyyətli ada - Əli (ə) davamçısı adlanmaq şərəfinə layiq olmaq üçün əlimizdən gələni edək! Uca Allahdan hər birimiz üçün, xalqımız üçün, bütün ümmət üçün Əli şücaəti, Əli kamilliyi, Əli dönməzliyi, Əli mətinliyi, ən əsası da Əli (ə) kimi yalnız Allaha tapınmağı diləyirik! Uca Allah bu işdə hər birimizə tofiqlər inayət etsin, inşəallah! AMİN!

ya-ali.ws


İmam Əli (ə) həyatı

Şərhlər: 0

Şərh ələavə edin

Информация

Посетители, находящиеся в группе Qonaq, не могут оставлять комментарии к данной публикации.