Xəbərlərə abunə ol
» » Bir çobanın məhəbbəti

Bir çobanın məhəbbəti

tarix : 24-11-2012   /   Mәqalәlәr   /   Baxış sayı: 2 476
Bir çobanın məhəbbəti


Allahdan istəmək şücaətdir, versə hacətdir verməsə hikmətdir. Allahdan qeyrisindən istəmək xəcalətdir, versə minnətdir verməsə zillətdir.

Günlərin bir günü çoban şahın qızını uzaqdan görüb, ilk baxışdan bir könüldən min könülə aşiq olur.
Daha sonra bu sevgi lap böyüyür. Yemək yemir, arıqlayır qızın dərdini çəkməkdən. Şah hara, şahın qızını almaq hara?!

Gün keçir, dövran dönür və bir gün şahın yaşlı məsləhətçisi ilə bu oğlan rastlaşırlar. Yaşlı adam oğlanın niyə solğun olduğunu soruşur, yardım etmək istəyir.
Çoban isə deyir ki, mənə heç kim yardım edə bilməz, dərdim böyükdü, mən olmaz bir şeyi istəyirəm.
Qoca əl çəkmir və oğlanın niyə belə olduğunu öyrənir. Ona məsləhət verir ki, mən sənə bir yol göstərəcəm, əməl etsən 40 gün sonra şahın qızı sənindir.
Oğlan qəbul edir. Məsləhəti bu olur ki, kənar, insanlardan uzaq bir yerdə 40 gün içərisində yalnız Allahı zikr et.
Oğlanı aparır bir evə, bütün bazarlığını edir və əlinə də təsbeh verir. Oğlan başlayır zikrə.
Günlər, həftələr ötür və axır günlərdə oğlanın səs-sorağı bütün aləmə yayılır. Evin yayından keçən insanlar, içəridən gələn “Allahu Əkbər” sözünü eşidib vahimələnir.
Bundan ona, ondan buna hər kəsə xəbər çatır ki, uzaq bir məkanda belə bir adam var ki, bütün günü zikrlə məşğuldur.
Hamıya maraqlı gəlir onu görmək, hətta şahın da qulağına gedir və o da oğlanın saraya gətrilməsini istəyir.
38-ci gündə şahın adamları oğlanın yanına gəlib onu aparmaq istəyərkən oğlan razılaşmır. Şah fikirləşir ki, nə etsin, necə etsin ki, oğlanı saraya gətirsin?! 40-cı gündə qərar verir ki, özü gedib razı salsın.
Şah, şahın adamları, bu söhbəti eşidən hər kəs yığışır evin başına. Şahın həmin o yaşlı məsləhətçisi, təklif edir ki, şah qızını versə bəlkə çoban razı olub saraya gələr. Fikri bəyənən şah oğlana qızını vermək istədiyini deyir.
Bunu eşidən oğlan bir daha da əlində təsbeh “Allahu Əkbər” deyib, başını qaldırır və gedib qapıdan çıxarkən üzünü arxaya döndərir və deyir: Bu evə bir qız üçün girib, Allahı zikr etdim. Allah mənə nə vermədi?! Hətta şahı ayağıma gətirdi. Mən çox təəssüf edirəm ki, bu evə Allah üçün girməmişəm. Gör Allah üçün girsəydim O mənə nələr verərdi.


Qoca vəzir isə, yavaşca belə deyirdi: "Allahdan istəmək şücaətdir, versə hacətdir verməsə hikmətdir.
Allahdan qeyrisindən istəmək xəcalətdir, versə minnətdir verməsə zillətdir."


Məlumatdan istifadə etdikdə istinad vacibdir!

Şərhlər: 6

  1. meryem / 25 ноября 2012 20:15 /    -  
    ALLAHINMIZLA UREYIMIZI DUZ TUTSAQ INANKI CETIN IWIMIZ BELE ASANLAWAR
    • Нравится
    • 0
  2. abdullayeva benovse / 2 декабря 2012 13:49 /    -  
    Wukur Allaha
    • Нравится
    • 0
  3. abdullayeva Zeyneb / 2 декабря 2012 14:07 /    -  
    her bir kes ALLAHA bu qeder bagli olsa butun dualari qebul olar.AMIN

    e4t65
    • Нравится
    • 0
  4. muxtarname / 9 декабря 2012 13:41 /    -  
    ALLAH RAAZI OLSUN
    • Нравится
    • 0
  5. kemale_q / 11 декабря 2012 20:10 /    -  
    Allah c.c razı olsun
    • Нравится
    • 0
  6. EHLI BEYT ASHIQI / 22 мая 2013 13:15 /    -  
    ALLAH razi olsun
    • Нравится
    • 0
Şərh ələavə edin

Информация

Посетители, находящиеся в группе Qonaq, не могут оставлять комментарии к данной публикации.